Inhaltsverzeichnis

 

 

 

 

 

 

 

 

 

Noch em sexta Viertele stoht er auf ond said:

„I glaub, jetzt hot er gnueg, dr Sigels Karle.

I glaub, jetzt goht er hoim, dr Sigels Karle.

I ben doch dr Sigels Karle, oder et?

Also mei Vadder ischt dr Sigels Gottlieb,

no ben i au dr Sigels Karle.

Ond mei Mueder ischt d’ Sigels Marie,

allerdengs geborene Schäufele.

Do wird’s scho schwieriger,

weil mei Großvadder no nemlich de Schäufeles Karl ischt

ond me Großmudder d’ Schäufeles Anna,

allerdengs wieder geborene Sigel.

Des hot dr Deifel gseha!

Also hoiß i jetzt Sigel oder Schäufele?

Oder Schäufele oder Sigel?

Oder Schigel oder Säufele?

Säufele wär gar et so schlecht...

Ha no, Frailein, brenget Se nomol a Viertele für da Herr Säufele!“