Dr Dräbbahausaudomad

 

Halbe d'Dräbb drobe ons Lichd gohd aus? Laudes Gekligge em Dräbbahaus? Des muaß an Dräbbahausaudomad sei. Der gohd ganz oifach: Mr druggd uff a Gnebfle ond a Zeidschaldoihoid gohd middam Lichd oh. Nocharre beschdimmde Zeid, badsch, gohds Liachdle wiedr aus. Mid oine dr schwäbischde Erfendunge seid am Mercedes. Wenn wo anderschd keifende Hausweiber oder hemmadsärmliche Hausmännla ewich em Dräbbaheisle romschwädsad ond was waiß i sonschd no ällas, des gohd bei ons bloß, wemmr dauernd wiedr uffs Gnebfle druggd, ond so äbbes duad mr jo nedd. An Nochdoil hoddr abr schau, dr Dräbbahausaudomad: Emmr, wenne bei meine Leid drhoim ben, duare ‚s'Liachd em Hausgang vergässe, weil do koin Dräbbahausaudomad ischd.